UVALO kubagibeli bamabhasi akwaMetro kubulawa omunye wabo egibela ibhasi elilibangise eSandton lisuka eFleurhof.
Kuthiwa owesifazane oneminyaka elinganiselwa kweyo-o40 ubudala osebenza ebhange uhlaselwe umsolwa esitobhini ajwayele ukubibela kuso eFleurhof ngoLwesithathu ekuseni.
UMnuz Kenny Kunene oyiphini likamengameli wePatriotic Alliance nekhansela kumasipala waseGoli uthi ngempela njengoba befike endaweni yesigameko bazizwele ngokwabo okwenzekile.
Uthi lowesifazane uhlaselwe engena ebhasini kanti umsolwa usebngaphakathi wavulela ngesibhamu. “Lo wesifazane ujike wazama ukubaleka umsolwa lo wadubula kabili, wawa lo wesifazane, wamqedela edubula kabilii.”
[GRAPHIC CONTENT] A woman was shot dead by an unknown man on a Metrobus in Johannesburg today. Officials say she was approached by the gunman who shot her and then fled the scene. Newzroom Afrika's Veronica Makhoali speaks to Joburg Transport MMC Kenny Kunene.
Watch:… pic.twitter.com/kYnSmofpnN
Uthi bazothatha ivideo esebhasini yize bezwile ukuthi umsolwa ubefihle ubuso egqoke ikepisi futhi eseqedile ukuhlasela kufike imoto emhlophe yohlobo lwePolo engenayo izinombolo yathatha umsolwa yaphela emehlelweni.
Okhulumela abeMetro Bus uGoodwill Shivuri utshele abezindaba ukuthi kubuhlungu okwenzekile futhi nabanye abagibeli abebekhona basathuthumela.
Uthi bazonikezwe usizo lokwelulekwa kanjalo nomshayeli webhasi usathukile futhi
Bancome ubuqhawe bomshayeli webhasi ngoba ngemuva kokuhlaselwa kwalo wesifazane ushayasibhamu ukhombe yena ngesibhamu kodwa walokhu elele njalo esitelingi, esehambile umsolwa umshayeli usukile endaweni yesigameko ehambisa abanye abagibeli abangu-15 kwenye indawo ephephile ethi mhlawumbe umgulukudu usazobuya.
Ushayeli usuke lapho wabuyela endaweni yesigameko njengoba umufi ubengakasuswa.
Umyeni kamufi namanye amalungu omndeni abesendaweni yesigameko.
UKunene uthi umyeni ubatshele ukuthi ngoMsombuluko, umkakhe umtshele ukuthi uqaphele amadoda abesesitobhini sebhasi angawajwayele kodwa futhi awagibelanga uma sekufika ibhasi.
Uthi lokhu kubenza basole ukuthi ukubulaw kwalo wesifazane bekuhleliwe.