Umphakathi waselokishini KwaMashu ushaqekile namhlanje ntambama kutholakala izidumbu zabesifazane ababili zidindilize ehlathini esigcemeni kwaP kuleli lokishi.
Amaphoyisa aKwaZulu Natal aseqinisekisile ukuthi izidumbu zalaba besifazane abasebancane zitholwe zinamaxeba okudutshulwa ekhanda
Okhulumela amaphoyisa kulesi sifundazwe, uCaptain Nqobile Gwala, uthe lezi zidumbu zitholwe wumuntu obezidlulela emgwaqeni uSigede kwaP KwaMashu, obe esehlaba umkhosi.
Laba besifazane okukholakala ukuthi baneminyaka eko-20, bebengakahlonzwa.
UCaptain Gwala uthe njengamanje amaphoyisa asaphenya endaweni yesehlakalo, ayikho into esacacile.
*Thola umbiko ophelele noneminye imininingwane ephephandabeni iSolezwe kusasa