KUBI kowesilisa waseCosmo City, eGoli, otinyelwe izinyosi ngoMsombuluko.
Ngokusho kukaKyle van Reenen okhulumela abe-Emer-G-Med bathole umbiko ngabalisa ababili abatinyelwe izinyosi.
“Owesilisa oneminyaka engu-30 usesimeni esibucayi ngemuva kokutinyelwa izinyosi eziyikhulu. Unikezwe usizo lokuqala olusezingeni eliphezulu endaweni yesigameko phambi kokuphuthunyiswa esibhedlela esiseduze, kusho uKyle.
Umlisa wesibili yena utinyelwe izinyosi ezimbalwa ngesikhathi ezama ukuhlenga owokuqala. Naye uthole usizo lokuqala endaweni yesigameko phambi kokuphuthunyiswa esibhedlela.
Kwesinye isigameko sangesonto eledlule, bayithupha abasebenzi abatinyelwe wubhuqu lwezinyosi eBallito, kwaZulu-Natal.
Abezimo eziphuthumayo bathi abasebenzi bebegunda utshani ngesikhathi bephazamisa isidleke. Babili abebesesimeni esibucayi, balashelwe endaweni yesigameko phambi kokuphuthunyiswa esibhedlela.