KUBOSHWE umnikazi wesitolo oneminyaka engu-26, ePort Elizabeth, ngemuva kokudubula umthengi.
Okhulumela amaphoyisa, uCaptain Andre Beetge, uthe kuthiwa le ndoda iye esitolo esiseNew Brighton ngoLwesibili ebusuku iyothenga i-airtime. Uthe kuxabane umnikazi wesitolo nomthengi obekhala ngokungawutholi ushintshi ofanele.
“Umnikazi wesitolo uhoshe isibhamu wadubula umthengi wangalimala.”
Amaphoyisa aseshe esitolo athola isibhamu nezinhlamvu ezinhlanu. Umsolwa uboshwe wabekwa icala lokuzama ukubulala nokuba nesibhamu esingekho emthethweni nezinhlamvu.
UBeetge uthe izinombolo zesibhamu bezicishiwe wathi sizohlolwa. Umsolwa uzovela enkantolo yemantshi eNew Brighton namhlanje.