KUSHONE abantu abahlanu engozini yemoto encane neveni ngoLwesihlanu ekuseni emgwaqeni uR71 maphakathi neHaenertsvurg neMoria eLimpopo.
Abezimo eziphuthumayo be-ER24 babizelwe endaweni yesigameko ngo-7 ekuseni kungqubuzene imoto encane neveni.
Ngemuva kokuphenya abahlanu abebesemotweni encane batholwe sebeshonile kungekho obekungenziwa. Kulabo kubalwa abesifazane abathathu nabesilisa ababili.
Abathathu batholwe ngaphakathi emotweni, ababili izidumbu zabo zatholwa buqamama nendawo yenhlekelele.
Kwiveni umshayeli wesifazane uficwe esaphila esesimeni esibucayi.
“Abezimo eziphuthumayo bamuvusile owesifazane, bamelapha ngobuchwepheshe be-life support ngaphambiki kokuthi aphuthunyiswe eMediclinic eTzaneen,” kusho uRussel Meiring okhulumela i-ER24.
Amaphoyisa abesendaweni yenhlekelele ukuzophenya ngengozi.