ZIMKHALELE umfundi (13) osolwa ngokudubula uthishanhloko ngoLwesihlanu ekuseni, esikoleni afunda kusona iPrimrose Primary, eGermiston.
Kuthiwa umfundi uzovela maduze eNkantolo yeMantshi eGermiston, ngecala lokuzama ukubulala.
Ngokubika kweGermiston City News, uthishanhloko (51) uphuthunyiswe esibhedlela sendawo.
“Okwamannje amaphoyisa aseqale uphenyo ukuthola ukuthi isibhamu esesithathwe ngamaphoyisa siphumaphi,” kusho okhulumela amaphoyisa uColonel Dimakatso Nevhuhulwi, endaweni yesigameko.
Lo mfundi owenza uGrade 6 kusolakala ukuthi ubelwa ekuseni okuholele ekutheni abizelwe ehhovisi likathishanhloko.