UNDUNANKULU wase-Western Cape, uNkk Helen Zille, uthi isimo sesomiso kulesi sifundazwe sesiphenduke inhlekelele. UZille umemezele lokhu namhlanje njengendlela yokuthi kuphuthunyiswe izindlela zokugwema ukuphela nya kwamanzi. Lesi simemezelo sizodluliselwa kwikhabhinethe yesifundazwe kuleli sonto lapho sizodingidwa khona.
Ngo-2016 iKaroo neWest Coast yizindawo ezamenyezelwa njengeziyinhlekelele kulesi sifundazwe ngenxa yesomiso. Emnyakeni edlule kuleli izifundazwe ezihlukahlukene kuleli zibhekane nesimo esinzima sokushoda kwamanzi ngenxa yesomiso. Phakathi kwezifundazwe ezihlaselwe yisomiso kubalwa iFree State, iKwaZulu-Natal, North West, Limpopo, Northern Cape, Eastern Cape neWestern Cape.