USEPHINDE wathola ukugxekwa futhi umsakazi weMetro FM uMasechaba Ndlovu kulandela ukukhwesha umculi ngesihloko sempilo abengazimisele ukukhuluma ngaso.
Isigameko sakamuva sibe ngoLwesihlanu ohlelweni uMasechaba alwethula ngokubambisana noMo Flava iThe Drive on Metro FM engena ngo-3 kuya ku-6 ngoMsombuluko kuya kuLwesihlanu.
Kulesi sigameko uMasechaba usolwa ngokukhwesha kabi umculi u-Anatii embuza imibuzo mayelana nokuthwasa kwakhe nokuyinto okuthiwa ubengazimisele ukukhuluma ngayo. Lo mculi ubehambele iMetro FM neminye imisakazo ekhangisa i-albhamu yakhe entsha, IYEZA.
Lesi senzo sigxekwe ngabantu abebelalele nabanye ababone i-video yengxoxo yabo esabalale ezinkundleni zokuxhumana.
Masechaba is bully. Again using her platform to address things that aren’t related to the subject of the interview. This behaviour of feeling entitled to people’s personal lives must be the energy thats weighing her down. pic.twitter.com/s3mc5ZXpeC
— Z’nodaka (@_Dubani) October 5, 2018
She seems to enjoy bullying people into talking about their personal stuff, she just ambushes people it’s uncalled for. @MasechabaNdlovu yoooh hai sis uyadina
— MOEPAGAUTA (@PNtlhophi) October 5, 2018
So grand grand was Masechaba expecting Anati admit to uthwasa because she felt some typa way around him? Wow this woman doesn't stop hey. So unnecessary 😷💆
— Im gonna be ready - Yolanda Adams❤️ (@CyberMqalo) October 5, 2018
Ephawula ngalolu daba kwiTshisaLive uMasechaba uthe ubengaqondile okubi ngokubiza u-Anatii ngalolu daba. Uthe abantu 'bayohlezi bebona abafisa ukukubona'.
Okwenzekile kuze kwakhumbuza abaningi isigameko lapho uMasechaba abuza waphinde waziphendula ngokuhlukunyezwa kukaBabes Wodumo nokuyinto ayesola uMampintsha ngayo.
UMo Flava usanda kuphawula ngalesi sigameko ohlelweni iThe Real Talk olwethulwa ngu-Azania Mosaka. Ephawula wathi okwenzeka kwaba yiphutha kwakungafanele balusingathe ngendlela abenza ngayo.