MHLELI: Kwelakho eleqa imifula nemihosha ngiyabonga ngesikhala.
Njengesakhamuzi saseNquthu esiyithandayo indawo yaso ngifisa ukukusho kugcwale umlomo ukuthi njengoba kusele unyaka owodwa nje kuphele isikhathi samakhansela avotelwa ngo2017, singabantu baseNquthu asiwuboni umsebenzi weqembu eliphethe iNkatha. Awukho umsebenzi walaba bantu, into abayenzayo wukuhlala nje baqoqane ehhovisi labo badle izindaba.
Bantu baseNquthu ningofakazi shintshani ukwenza ngo-2021 ayikho le nto.
Kumanje behlulwa wukuqoqa udoti idolobha lingcolile linuka phu. Angiyiphathi eyamathoyilethi aserenki ashaywa ngamabhakede. Uma nifuna ukuzibonela lokho anoza nizobona.
Shintshani mphakathi waseNquthu ningazibuyiseli eGibhithe leNkatha.
Zithembe Ngobese
Enquthu