Umculi weGqom' ongaphansi kwe-Afrotainment uTipcee
UMCULI weGqom' ofike kwazwakala ngo-2016 usegcine ephumele obala waphawula ngevideo esabalale ezinkundleni zokuxhumana ngoLwesibili eveza yena noDJ Cndo behleba ngamaciko eWest Ink nelungu leBig Nuz uDanger. 

Kule video eshuthwe eMoses Mabhida kubonakala uTipcee noCndo, abangaphansi kwe-Afrotainment, bekhuluma bethi kukhona abahlohlanayo futhi uMampintsha uwusathane. IVideo isatshalaliswe uBabes noMampintsha emakhasini abo ezokuxhumana ngoMsombuluko.  

NgoLwesibili uTipcee ubhale ekhasini lakhe ku-Instagram esola lawa maciko ngokuba nomona. 

"Uma abantu oncintisana nabo bebona ukuthi usuyingozi kubo; usubhalwa kahle emaphepheni, umenywa ezinhlelweni zethelevishini, ngeke bajabule. Uma sekuvumbuka amavideo amadala agcwale ezinkundleni zokuxhumana, indlela yabo yokuziphindeselela leyo. Indlela yabo yokuvikela into abazitshela ukuthi 'eyabo'. Abathandi uma usuphefumulela emqaleni yabo, sebezwa ukuthi uyasondela. Kunalokho bazama ukukuvalela ngaphandle. Hhhayi ngoba uyisitha sabo, kodwa ngoba abathandi ukubona abanye abantu benza abakwenzayo," kubhala uTipcee. 

Uqhube wathi uma ekhombisa impumelelo yakhe njengokuthenga imoto, nabo babanogqozi lokukhombisa abalandeli babo ukuthi bazuze okungcono kunaye. 

"Bathi unomona kodwa wena uzenzela into yakho. Sinamavideo abucayi abo! kodwa ngeke siziphathe njengabo. Khula ngane emnyama. Kuyoze kube nini sivalelana ngophandle. Kubalandeli bami, ngiyaxolisa ukuthi le video esabalele ezinkundleni zokuhxumana idicilela phansi igama lenkampani. Ngiyathembisa ukuqhubeka ngisebenze kanzima ukunijabulisa ngo 2018. 

When your rivalries realise u r threatening their space; when suddenly newspaper columns right positive stories about u; when TV & radio stations invite u to their shows; your rivalries are not happy! When old videos taken ages ago suddenly resurface and occupy their social media space. It's their way of getting back at you! It's their way of protecting what they consider "theirs"! When suddenly u r breathing behind their necks & they feel u getting closer & closer; they don't like it.... Instead they try and shut the space for u! Not because u are their enemy... But because they don't like sharing the space!!! It's the first 'this and that' syndrome... When u post about the fruits of your achievements (car) and suddenly they feel the edge to show their fans that they have achieved better than you... Bathi uJealous but kodwa wena uzenzela into yakho!!! We have compromising videos abo! But we won't stoop to their level!!! Grow up black child... Kuyoze kube nini sivalelana ngaphandle!!! To my fans.... Ngiyaxolisa that le video making rounds idixizela igama le company phansi. Ngiyathembisa ukuqhubeka ngisebenze kanzima ukunijabulisa ngo 2018.....

A post shared by tipcee_ (@tipcee_) on


- Udaba olusaqhubeka