NAMHLANJE
olwamanqamu njengoba kuvalwa ngo-12 ebusuku ukuvotelwa kwabaculi abaqokwe kwiTop 30 kwiNgqwele Kamaskandi. Abaculi abazongena kwiTop 10 bazovezwa ekhalendeni lezihlabani zikamaskandi, bakhishelwe eshashalazini futhi baqashwe emcimbini wokumenyezelwa komculi odle umhlanganiso.
Osemkhakheni wezokukhangisa kuSolezwe, uNksz Phumi Mkhize, uthe basaqhubeka nokutatulula amavoti asadukile.
“Sisaqhubeka nokuwabala amavoti. Leli sonto lizophela sekwaziwa ukuthi yimuphi umculi ogcine ethole amavoti amaningi uma sekubalwe wonke amavoti angene namhlanje nabengakatholakali. Uma
kubalwa amavoti angene ngempelasonto nayizolo ngaphambi kuka-4 ntambama kusahamba kanje: Amageza Amahle asaqengqeleza phambili ngamavoti awu-4 775. UMroza ulandela emuva ngamavoti awu-3 485 kuthi oSaziwayo balale isithathu ngawu-3 328. Endaweni
yesine kuneNdodakazi Yentandane ngamavoti awu-2 460 kanti uQhoshangokwenzakwakhe ulele isihlanu ngamavoti awu-2 232. Igcokama Elisha lisendaweni yesithupha ngamavoti awu-2 032. UKhuzani usendaweni yesikhombisa ngamavoti awu-1 521 kuthi Imfezemnyama
ibe sendaweni yesishiyagalombili ngamavoti awu-998,
uGovozile usenawu-756 kuthi uBahubhe abe sendaweni yeshumi ngamavoti
awu-597," kusho yena.
UNksz Mkhize uthe kusengaguquka izibalo lithathe osemsamu limphonse emnyango uma sekubalwe wonke amavoti ngisho nasadukile.