INHLANGANO yezokuSakaza kuleli igqemeke udume lwengozi ishiywa yinkakha yomethuli wezemidlalo kuleli uRobert Madluphuthu Marawa. Lezi zindaba zidalulwe yisikhulu emkhakheni wezokuxhumana kwaSABC, uNksz Gugu Ntuli. Uthe ukuhamba kukaMarawa kulandela ukuphothulwa kohlelo abelusakaza ngezikhathi ezifanayo kwiMetro FM nakwiRadio 2000.
Akusiye kuphela uMarawa oshiyayo kodwa ulandelane nozakwabo uVaylen Kirtley obethula ingosi yezemidlalo ohlelweni lwethelevishini iMorning Live.
"ISABC ithanda ukufisela uMnuz Marawa noNksz Kirtley okuhle kodwa ekusaseni labo futhi iyababonga ngeqhaza labo ezinhlelweni zemidlalo zakwaSABC," kuphetha uNksz Ntuli.