NGEMUVA kwamahora uMilutin "Micho" Sredojevic, elaxaze i-Orlando Pirates, uvumbuke kwiZamalek njengomqeqeshi wayo omusha.
Izindaba zokuqashwa kukaMicho, waseSerbia, kwiZamalek yase-Egypt ziqinisekiwe ngumthombo wezindaba zebhola ohamba phambili eGibhithe, ikingfut.com.
Akucacanga ukuthi uMicho usayine inkontileka engakanani kwiZamalek kodwa usihlalo waleli qembu, uMortada Mansour ucashunwe ethi:
"UMicho nguyena obengunngqaphambili. UTarek Yehia uzoba yiphini lakhe, u-Ayman Abdelaziz uzoba ngumdidiyeli kuthi u-Amir Mortada aqhubeke njengomqondisi kanobhutshuzwayo."
Lo mthombo uveze nokuthi uMicho uthathe amatomu kumkhaya wakhe u-Aleksandar Stanojevic, obememezelwe ngoLwesine njengomqeqeshi weZamalek.
UMicho usule isigubhukaze kwiPirates, kwavela nezaindaba zokuthi ubheke eSerbia kodwa wavumbuka e-Istanbul, eTurkey nokusheshe kwaqongisa ezokumataniswa ne-Egypt.
Ukusula isigubhukane kukaMicho kumataniswe nokunwengulwa kwePirates yiSuperSport United ngo 3-0 emdlalweni we-Absa Premiership ngo 3-0 ngoLwesithathu ebusuku.
Ngokwesibili iSuperSport ibukisa ngePirates maqede kusule umqeqeshi.
Kwenzekile lokhu ngo-2017 Ezimnyama zicijwa nguMuhsin Ertugral waseTurkey.