Ziyawushaya maduze esikhulwini saMaZulu FC
Ziyawushaya maduze esikhulwini saMaZulu FC Sinenjabulo Zungu isithombe: © Gerhard Duraan/BackpagePix
ZIYAWUSHAYA esikhulwini samaZulu FC okuthiwa zishadwa wumdlali webhola okuleli qembu.
Kuthiwa indodakazi kaSandile Zungu ongumnikazi weqembu, izoshada ngoMeyi 28 noBongi Ntuli ongumgadli.
Umthombo weSolezwe ngeSonto, utshele intatheli yaleli phephandaba ukuthi umcimbi we-CEO yamaZulu FC, uSnenjabulo Zungu noBongi, uzoba seMahhenyeni, eBalgowan, maphakathi nesifundazwe.
"Okwamanje akukho mininingwane etheni ngaphandle kokuthi bese benesikhathi bethandana. UBongi akamusha kuMaZulu, ubekhona esaphethwe nguPatric Sokhele uyise kaLunga njengoba kuthe ngo 2020 ku-Okthoba athathwa nguSandile Zungu," kusho umthombo.
Akuyona into entsha ukuthi umdlali athandane aze aganwe yingane yesikhulu sekilabhu, uSizwe Motaung ongasekho, obedlala kwi-Orlando Pirates, ubeshadelwe ingane kaDkt Irvin Khoza, uZodwa nayo engasekho emhlabeni.
Ethintwa uSne akaluphendulanga ucingo kodwa wabuyela entathelini eyazisa ukuthi usamatasa. Imizamo yokuthola uBongi ayiphumelelanga kwaze kwashaya isikhathi sokushicilela.