KUPHELE amahlathi kosebenzela uMnyango wezaseKhaya owenzela owesilisa waseBangladesh izincwadi zokuvakasha.
Owesifazane ubanjwe wuphiko loKlebe ngokunika uFahim Kazi, odabuka eBangladesh izincwadi esebenzisa igama likaLebogang Ndlovu.
Usagqunywe esikotisini emva kokuboshwa kwakhe ngesonto eledlule eBenoni eGauteng. Nasemsebenzini usamisiwe. Kulindeleke ukuthi iqale ngesonto elizayo inqubo yokumqondisa ubugwegwe.
Umnyango uveze ukuthi uma enqatshelwa ibheyili, bazoxhumana naboMnyango wokuHlunyeleliswa kweziMilo ukuze aqondiswe ubugwegwe esikhungweni sabo.
Umnyango waqala uphenyo ngemuva kokuboshwa kukaKazi esikhumulweni sezindiza i-OR Tambo ngenyanga edlule.