USOTSWEBHU we-ANC ePhalamende, uMnuz Jackson Mthembu, uthi kumele ziphakanyelwe izinsolo 'ngetulo' lokuketulwa kukamengameli weqembu uMnuz Cyril Ramaphosa okubikwe ngazo ngempelasonto.
Ngokombiko ophume ephepheni lesiNgisi langeSonto, kuthiwa obengumengameli, uMnuz Jacob Zuma, uba nemihlangano esesithe nalabo ababemeseka okubalwa kubo uNobhala-jikelele we-ANC uMnuz Ace Magashule, Mnuz Supra Mahumapelo obenguNdunankulu waseNorth West, uMnuz Thanduxolo Sabelo, Nksz Dudu Myeni nabanye ngenhloso yokuketula uRamaphosa.
Ngokombiko kuthiwa uZuma nalaba baholi bake bahlangana ehhotela laseThekwini, iMaharani. Iphephandaba lize lakhipha nesithombe esiveza uZuma, Mahumapelo noMagashule.
"Leli tulo elisolwayo, ngeshwa elimbandakanya noNobhala we-ANC uMnuz Ace Magashule, lidicilela phansi imizamo yobumbano ku-ANC," kusho uMthembu ngeSonto.
Uqhube wathi labo abasolwa ngokuthinteka kuleli tulo badicilela phansi umkhankaso we-ANC njengoba kubhekwe okhethweni luka 2019.
The @SundayTimesZA story today alleging " a plot to oust our President @CyrilRamaphosa" deserves urgent attention by @MYANC NEC . The alleged clandestine plot , which regrettably includes the SG , comrade Ace Magashule , undermines the unity and renewal efforts of the ANC .
— Jackson Mthembu (@JacksonMthembu_) September 9, 2018
More seriously disturbing in the alleged clandestine plot , is the undermining of our state in its efforts to fight and reverse impacts of " state capture " . Those involved in this plot also want to undermine the ANC 2019 election Campaign so as to produce disastrous results
— Jackson Mthembu (@JacksonMthembu_) September 9, 2018
My posts on this matter has been preceded by " the alleged plot " . There's no way that an ANC member dedicated to our movement's unity and renewal programs, its efforts to fight corruption and decisively win the 2019 elections , would keep quiet when it is allegedly attacked .
— Jackson Mthembu (@JacksonMthembu_) September 9, 2018
Esitatimendeni esithunyelelwe abezindaba izolo, unobhala we-ANC KwaZulu-Natal, uMnuz Thanduxolo uSabelo uzichithile lezi zinsolo wathi zihlose ukungcolisa igama lakhe njengoba kubhekwe engqungqutheleni yokukhetha ubuholi obusha be-ANCYL kuzwelonke ngo-Okthoba.
“Ngiwufundile umbiko wephephandaba okhuluma ngomhlangano lapho kuthiwa bekwakhiwa itulo lokuketula umengameli uRamaphosa. Ngifuna ukukubeka kucace ukuthi angikaze ngibe yingxenye yalowo mhlangano futhi angisiyo ingxenye yetulo lokuketula umengameli we-ANC nezwe. Nginobudlelwano obuhle nomengameli angisoze ngaba yingxenye yetulo lokumketula,” kusho uSabelo.
Uthe ukholwa wukuthi inhloso yalo mbiko wukuzama ukungxolisa igama lakhe ukuze intsha ingamethembi njengoba beya engquqngqutheleni.
USabelo uphakanyiselwe esikhundleni sokuba ngumengameli we-ANCYL njengoba lolu phiko luya engqungqutheleni. Isikhundla usibanga noMnuz Reggie Nkabinde.
USabelo waseMbumbulu uthwelwe ngeqoma njengoba esekwa yizifundazwe ezinkulu kunazo zonke ezweni, iKZN neMpumalanga emkhankasweni wakhe wokuhola intsha.
I-ANC Women's League nayo ngesonto ikhiphe isitatimende ichitha umbiko ngetulo.
"Sekusondele ukhetho lwango-2019, izintatheli ezifana noQaanitah noJeff asezikhohlwe yimigomo elawula izintatheli zizoqinisa izindaba ezingelona iqiniso njengendlela yokuhlukanisa i-ANC," kusho uNobhala-jikelele we-ANCWL uNkk Meokgo Matuba, naye igama lakhe elibandakanyiwe kumbiko wephephandaba langeSonto,