USanele Dlamini oneminyaka engu-28 ubudala uvele okokuqala eNkantolo yeMantshi eMlaza nenqwaba yamacala okubulala.
UDlamini uthwese amacala ayisishiyagalombili okubulala amadoda ayisithupha nabesifazane ababili, abaneminyaka ephakathi kuka-22 no-40 ubudala, batholakale bedindilize edamini legazi enamanxeba okudutshulwa nelokuzama ukubulala.
Amacala asukela esigamekweni sango-16 Meyi 2025 ethaveni emjondolo yaseZama esigcemeni sakwa-U, eMlaza. Kubikwa ukuthi abashonile bebengaphakathi kulo muzi ngesikhathi kungena abasolwa abangaziwa bavulela ngenhlamvu bashonela endaweni yesigameko.
Icala lihlehlele u-30 Juni 2025 ukuze kulalelwe isicelo sebheyili.