Uzogqunywa esitokisini obanjwe esenyangeni ehostela
Owesilisa obanjwe ehostela eDalton ngemuva kokweqa esitokisini sasesiteshini iMariannhill ngoMsombuluko
Image: SAPS
LIHLEHLELE umhla ka28 Meyi icala lowesilisa oneminyaka engu-28 oweqe esitokisini eMariannhill ngoMsombuluko.
Lo mlisa uvele phambi kweMantshi yasePinetown ngoLwesine kulandela ukuboshwa kwakhe esenyangeni ehostela eDalton, eThekwini. Uzogqunywa esitokisini saseDurban North kuze kube ubuyela enkantolo yasePinetown ngoLwesithathu oluzayo ngecala lokweqa esitokisini.
Kuthiwa uzobuye ahanjiswe eKhombe, eNkandla, njengoba kulindeleke ukuthi avele enkantolo yakhona ngamacala okudlwengula.
Umkhuzi wamaphoyisa esifundazweni uLieutenant-General Nhlanhla Mkhwanazi ehambisana nondunankulu uMnuz Thami Ntuli bazohambele esiteshini saseMariannhill ukuze bathole umbiko ogcwele ngokuthi lo mlise weqe kanjani esitokisini.
Kuvela nemibiko yokuthi kuboshwe umfowabo kamsolwa ngamacala okusabisa ofakazi eNkandla njengoba umfowabo usolwa ngokudlwengula abafundi besikole samabanga aphakeme abahlala emakotishi.