Uyaveva uMalema ebhajwa e-OR Tambo ngenxa yeVisa
Udinwe ugane unwabu umholi we-EFF uJulius Malema engayitholi iVisa ukuze ajoyine ingqungquthela eLondon ngeMpelasonto.
Image: EFF
UGANE unwabu umholi we-EFF uMnuz Julius Malema osola iziphathimandla zaseBrithani ngokumnqabela iVisa njengoba bekulindeleke ukuthi abhekise amabombo eLondon namhlanje.
"Iziphathimandla zaseBrithani zinginqabele i-visa yokuya eLondon eNgqungqutheleni yaseCambridge kule mpelasonto, zinganikezi isizathu esizwakalayo. Kuyangicacela ukuthi lokhu kungumzamo wokuvala umlomo umbono wezepolitiki ongahambisani nawo."
UMalema uthi yena nethimba lakhe basesikhumulweni sezindiza i-OR, njengoba bathenjiswa ukuthi konke kuzolungiswa ngo-15:30.
"Kunalokho, sithola incwadi yesixoliso njengoba kusele amahora amane ukuthi sihambe. Lokhu akwamukelekile futhi akunangqondo."