Uvelile osolwa ngokukhiqiza umzambiya eKlaarwater
Kuboshwe oyedwa etholakala notshwala obungumbombayi eKlaarwater
Image: SAPS
Amaphoyisa abhadame ifemu elikhiqiza ugologo ongekho emthethweni eKlaarwater
Amalungu ophiko lweProvincial Organised Crime Unit (Narcotics), elekelelwa uphiko lweProvincial Drug and Firearm Unit kanye nophiko lweProvincial Counterfeit Goods Unit, asukumele nlulwazi lophiko lwezobunhloli mayelana nokukhiqizwa nokusatshalaliswa kotshwala obungekho emthethweni, ikakhulukazi ugologo endaweni yaseKlaarwater eMarianhill, eThekwini.
Izinsiza zokukhiqiza utshwala obungumbombayi
Image: SAPS
Amaphoyisa abephethe incwadi egunyaza ukusesha endaweni ehlonziwe azithole kowesilisa oneminyaka engu-31, waboshwa. Umsolwa uboshelwe ukwephulwa koMthetho Wotshwala kanye Nokwephulwa koMthetho Wezimpahla Zomgunyathi.
Kutholwe i-vodka engumbombayi ebiza u-R250 000 ikhiqizwa kule ndawo. Umsolwa uvele enkantolo yasePinetown namuhla ekuseni icala lakhe lahlehliselwa olunye usuku.