Okhulumela uMvikeli, uMnuz Oupa Segalwe, uluqinisekisile uphenyo wathi iqembu i-ATM liyiqembu lesithathu ukukhononda ngalolu daba. Umholi we-EFF uMnuz Julius Malema uthe kumele i-ANC izikhokhele izindleko zokuya eZimbabwe.
“Sithole nezinye izikhalo kwi-Afriforum neFreedom Front Plus ngalolu daba. I-ATM ithe uNobhala jikelele we-ANC, uMnuz Ace Magashule, ubekhona kuyiwa emhlanganweni.”
UMengameli Cyril Ramaphosa ufune incazelo egcwele ngalolu daba kuNgqongqoshe wezokuVikela kuleli, uNkk Nosiviwe Mapisa-Nqakula.
UNkk Mapisa-Nqakula wagibelisa izikhulu ze-ANC ebhanoyini loMbuso.
I-ATM ifuna kuphenywe ukuthi ngabe kwalandelwa yonke imigomo ebekelwe ongqongqoshe uma beya kwamanye amazwe njengoba agibelisa izikhulu ze-ANC.
USegalwe uthe uMvikeli uzophenya zonke izinsolo eziveziwe.