Undunankulu ujoyine amakholwa kungcwatshwa uMbhishobhi uDino Gabriel
Baphume ngobuningi babo abaholi bamabandla, amakholwa nomphakathi kuvaleliswa uMbishobhi Dino Gabriel
Image: Leon Lestrade
UNdunankulu waKwaZulu-Natal, uMnuz uThami Ntuli, uhlanganyele namakholwa kanye nomphakathi wonkana ekuhlonipheni ongasekho uMbhishobhi Dino Gabriel.
Le nkonzo ububanjelwe eDurban Exhibition Centre eThekwini kusukela ngo-10 ekuseni.
UGabriel uthazwe njengenceku kaNkulunkulu ezinikele kanye nomholi ohlonishwa kakhulu ebandleni.
Undunankulu uMnuz uThami Ntuli nesikhulu zikahulumeni emngcwabeni kaMbhishobhi Dino Gabriel
Image: KZN Gov
Ekhuluma emgcwabeni uNtuli uncome lo Mbhishobhi obesethathe umhlalaphansi ngokuba indoda eqotho nezinikele enkonzweni, ukubuyisana, nempilo engcono kubantu baKwaZulu-Natal.
"Ebandleni ubengumfundisi othembekile. Esifundazweni ubengumuntu okwazi ukuhlanganisa abantu. Kwabaningi ubengubaba womoya oshumayela ukuthula, ithemba, nokuphilisana. Ifa lakhe lizoqhubeka kubantu abaningi abathintile," kusho uNdunankulu uNtuli.
Umbhishobhi u-Dino Gabriel ukhunjulwa ngokuzinikela kwakhe ngokuphelele ekukholeweni, iqhaza lakhe ekwakheni ubunye, kanye nothando lwakhe lokuthuthukisa umphakathi.