I-EFF kuphoqeleke ukuthi ize iphume ePhalamende izolo ngemuva kokusuka komsindo mayelana nodaba lokudliwa komhlaba.
Umholi we-EFF uMnuz Julius Malema izolo uqhubekile nokutshela abantu bakuleli ukuthi abazitapele umhlaba ongasebenzi.
USomlomo uMnuz Lechesa Tsenoli uxwayise uMalema wathi kumele ahloniphe umthethosisekelo.
“Abantu abaqhubeke nokuthatha umhlaba, lo mhlaba ngowethu, uma i-ANC ifuna ukubulala abantu ibabulalela umhlaba, ayikwenze lokho,” kusho uMalema.
UMalema uphendule ngokudinwa kuTsenoli ethi imuphi umthetho omvimbelayo ukuthi atshele abantu ukuthi abathathe umhlaba.
“Ayikho into ozoyenza, ayikho futhi leli Phalamende into elingayenza, mina ngithi abantu abaqhubeka nokuthatha umhlaba, asidinge mvumo kuwena, noma ePhalamende noma kuMengameli futhi asinandaba namuntu,” kusho uMalema.
UMalema utshele uTsenoli ukuthi akenze noma yini athanda ukuyenza.