UMalema obekhuluma ngaphandle kwenkantolo izolo, uthe besingekho isidingo sokuthi bavele enkantolo kaMantshi eRandburg benelungu lePhalamende laleli qembu uDkt Mbuyiseni Ndlozi.
Bebevele ngecala elithinta ukushaya iphoyisa elenzeka kungcwatshwa isishoshovu somzabalazo uNkk Winnie Madikizela-Mandela ngo-2018.
Kuthiwa balishaya befuna ukungena ngenkani emathuneni.
“Ezinye izinkantolo zithe asime kancane ukuvela ngenxa yobhubhane. Njengoba singabaholi uma sivela kuba nabantu abaningi abasuke befuna ukuzoseseka ngakho kubekwa impilo yabo engcupheni. Ngakho noma iyiphi inkantolo ezofuna sivele ngaphandle kokuthi kuqulwe icala ibeka impilo yethu engcupheni,” kusho uMalema.
Leli cala lihlehlele inyanga ezayo ukuze kukhishwe usuku elizoqala liqulwe ngalo.