Ukhuza ibuya eThekwini umcimbi wabathanda iwayini
UBUMNANDI bodwa ongabulindela kowePick n Pay Wine and Food Festival
Image: SIGCINIWE
BAZOJABULA badele abathanda iwayini ngokubuya komcimvbi waminyaka yonke Pick n Pay Wine & Food Festival ngoJuni 28, eChris Saunders Park, eMhlanga.
Lo mcimbi uhlose ukuqhakambisa omakadebona babakhiqizi bewayini abangu-35 okubalwa kubo iDurbanville Hills, Paul Cluver neSpierment namanye amawayini akhiqizelwe isitolo sakwaPick n Pay kuphela.
Abathandi bokudla bazothokozela igumbi lePick n Pay Tasting Room lapho kunesikhala sabantu abangu-40 kuphela abazothola ithuba lokufunda ukuqhathanisa amawayini nohlobo lokudla okuhambisana nawo. Lokhu kuzosiza izithameli zalo mcimbi zikwazi ukusebenzisa ulwazi ezilutholile nasemakhaya.
Ngale kwalokhu, izihambeli zalo mcimbi zizothokozela isikhwama sepikiniki sika-R325 esiqukethe zonke izinto ozidingayo uma uzikhiphile nophathina wakho kumnandi.
Kukhona neThe Pick n Pay Fresh Food Market nayo iphethe i-menu enezintandokazi zabaningi zokudla okumnandi njenge-fish & chips, amasaladi, i-sushi, kanye ne-cheese and charcuterie platters. Ngeke basale ngaphandle abeBomb Squad nabo abazobe beshaya abadume ngakho ngobhiya wabo oyintandokazi uhlanganiswa uSteven Kitshoff noMalcolm Marx, ohambisana ne-boerie roll.
BAZOJABULA badele abathanda amawayini kowePick n Pay Wine and Food Festival eThekwini
Image: SITHUNYELWE