UNDUNANKULU waKwaZulu-Natal umemezele ubuholi obusha esigungwini esiphezulu sesifundazwe kulandela ukushiya kukaMnuz Sihle Zikalala ngesonto eledlule.
Yize isikhala sikaZikalala sivalwe uNkk Nomusa Dube-Ncube ofungiswe ngoLwesithathu njengoNdunankulu, kube sekuvuleka ezimbili koNgqongqoshe besigungu esiphezulu kulandela ukusula kukaMnuz Ravi Pillay obehola umnyango wezokuThuthukiswa koMnotho, ezokuVakasha nokuNgiwa kweMvelo.
Namuhla, babili oNgqongqoshe abakhiphe izincwadi zokuvalelisa eminyangweni yabo, uMnuz Kwazi Mshengu ovelelilise eMnyangweni wezeMfundo kanjalo noMnuz Jomo Sibiya eMnyangweni wezokuHlaliswa kwaBantu.
Uhlu loNgqongqoshe abasha lumi kanje:
USihlalo we-ANC uMnuz Siboniso Duma - uNgqongqoshe wezokuThuthukiswa koMnotho, ezokuVakasha nokuNgiwa kweMvelo
USihlalo we-ANC KZN uMnuz Sboniso Duma efunga ngaphambi kwejaji Madondo @IsolezweNews pic.twitter.com/EcjVkjJJOl
— mhlengi (@mhlengza) August 11, 2022
Sihle Zikalala - uNgqongqoshe wezokuBusa ngokuBambisana nezoMdabu
ObenguNdunankulu uMnuz Sihle Zikalala efungiswa njengoNgqongqoshe omusha eKZN @IsolezweNews pic.twitter.com/9qy0jjR5bX
— mhlengi (@mhlengza) August 11, 2022
Dkt Ntuthuko Mahlaba - uNgqongqoshe wezokuSebenza kukaHulumeni nokuHlaliswa kwaBantu
Owayeyimeya yaseNewcastle uDkt Ntuthuko Mahlaba efungiswa njengomunye wongqongqoshe eKZN @IsolezweNews #KZNcabinet pic.twitter.com/KRh99hpXV4
— mhlengi (@mhlengza) August 11, 2022
Peggy Nkonyeni - uNgqongqoshe wezeziMali
UNgqongqoshe wezimali uNkk Peggy Nkonyeni efungiswa phambi kukaNdunankulu omusha uNkk Nomusa Dube-Ncube @IsolezweNews #KZNCabinet pic.twitter.com/F5RSb7DKoy
— mhlengi (@mhlengza) August 11, 2022
Sipho Hlomuka - uNgqongqoshe wezokuThutha nokuPhepha koMphakathi
UNgqongqoshe wezokuThutha nokuPhepha komphakathi uMnuz Sipho Hlomuka efunga phambi kukaNdunankulu uNkk Nomusa Dube-Ncube @IsolezweNews #KZNCabinet pic.twitter.com/5iTFyG8MFo
— mhlengi (@mhlengza) August 11, 2022
Mbali Fraser - uNgqongqoshe wezeMfundo
UNgqongqoshe omusha wezemfundo uNkk Mbali Fraser ofungiswe yibamba likaMengameli wamajaji @IsolezweNews #KZNCabinet pic.twitter.com/ZjLQs2Jm8G
— mhlengi (@mhlengza) August 11, 2022
Amanda Bani - uNgqongqoshe wezeMidlalo, Amasiko nobuCiko
UNgqongqoshe we zemidlalo, ubuciko namasiko eKZN uNkk Amanda Bani-Mapena efunga @IsolezweNews #KZNCabinet pic.twitter.com/KULEzEbtMR
— mhlengi (@mhlengza) August 11, 2022
Bathathu oNgqongqoshe abagciniwe eminyangweni yabo:
Nomagugu Simelane - uNgqongqoshe wezeMpilo
Bongi Sithole- Moloi - uNgqongqoshe wezoLimo
Nonhlanhla Khoza- uNgqongqoshe wezokuThuthukiswa koMphakathi