UHlomuka ugculisekile ngohlelo lwamanzi ezikoleni eziningi
USOMLOMO wesiShaya-mthetho uNksz Nontembeko Boyce ehlola esinye sezikole abezihambele eMgungundlovu izolo USOMLOMO wesiShaya-mthetho uNksz Nontembeko Boyce ehlola esinye sezikole abezihambele eMgungundlovu izolo
https://www.isolezwe.co.za/ezokungcebeleka/osaziwayo/abehlanga-ubuthongo-kudeborah-esolwa-ngokwehlisa-iminyaka-yokuzalwa-49202526 UHlomuka ubevakashele izikole izolo ezobheka uhlelo lwamanzi ukuthi luhanjiswe ngendlela njengoba kubhekwene negciwane iCorona.
Uthe ugculisekile ukuthi abafundi banawo amanzi, namathangi bawalethelwa ngendlela.
Ngenyanga edlule umnyango wakhe waletha amathangi amanzi angu-22 kulo masipala ukulekelela uhlelo obelenziwe lokulethela umphakathi nezikole amanzi.
Izikole azivakashelile kubalwa i-Emaus High, Emaus Junior Secondary noMzokhanyo Junior Secondary.
UHlomuka ubehambisana nobuholi bukamasipalala nobesesifundazwe.
UHlomuka uphinde wagcizelela ukuba othishanhloko baxhumane nomasipala ukuze amathangi ezohlale egcwalisiwe ngamanzi.
“Umnyango usebenzisane noMnyango wezeMfundo nomasipala ukuqinisekisa ukuthi izikole esifundazweni zinawo amanzi ukuze zizokwazi ukulwa negciwane leCorona njengoba kuvulwe izikole,” kusho uHlomuka.
NoSomlomo wesiShayamthetho sesifundazwe, uNksz Nontembeko Boyce, uhambele izikole ezehlukene eMgungudlovu izolo.
Uthe isiShayamthetho sisovakashela izikole ezevile ku-200 wathi basuke bebheka indaba yokuthi izikole ziyahambisana nemigomo ebekiwe njengoba kuneCorona.
“Umbiko engiwuthole kozakwethu abahambele izindawo ezehlukene ukuthi iningi lezikole zinazo izinsiza zokuvikela kwigciwane okubalwa izifonyo nokunye. Uma kukhona izinselelo umnyango sizowunika umbiko ukuze zilungiswe,” kusho uNksz Boyce.