Ugwetshiwe okamasipala olahlwe elenkohlakalo
Ugwetshwe iminyaka eyishumi owayesebenzela uMasipala ngecala lenkohlakalo
Image: sigciniwe
INkantolo yezeMali eThekwini igwebe uNhlakanipho Wiseman Dlamini (45), iminyaka ewu-10 emuva kokulahlwa ngamacala amabili enkohlakalo.
Wenza lobu bugebengu phakathi kuka-Novemba 2019 noJanuwari 2020.
UDlamini wayesebenza kuMasipala uMsunduzi eyibamba le-Fleet Control Advisor. Inkampani i-EWCop yayiqashelwe ukuhlinzeka ngobuchwepheshe bokwelusa ukuhamba kwezimoto.
Ngo-2018 inkontileka ye-EWCop yaphela, yase ivuselelwa inyanga nenyanga kusalindwe isinqumo ngethenda. UDlamini wakhuluma nabe-EWCop ecela ukuthi bamnike okuthile ukuze kuvuselelwe ithenda yabo.
UDlamini wabuye wakhonga uR 100 000 ukuze le nkampani ikhokhelwe imali yanyangazonke. Kwacushwa umgoga ngokuka Section 252 A of the Criminal Procedure Act 51 0f 1997,kwaboshwa uDlamini eqeda ukwemukela imali yomgoga.
Ubufakazi ngokuka-Section 252A okuwumgoga obuhambisana nengxoxo eqoshiwe kwethulwa wuMshushisi u-Adv. Reenai Ramouthar.
UDlamini ugwetshwe iminyaka ewu-8 ngecala ngalinye lenkohlakalo. Iminyaka ewu-6 ecaleni lesibili uzoyidonsa kanyekanye nesigwebo ecaleni lokuqala nokusho ukuthi uzodonsa iminyaka ewu-10.