Ubumnandi bebubuzwa emcimbini weSolezwe

Boniswa Mohale|Published 3 years ago

UNKK Cindy Ndlovu noMnuz Siyabonga Ngwane bebekhona besiza izicukuthwane emcimbini weSolezwe obuseMashamplanes, eChesterville Isithombe: BONGANI MBATHA/ANA

BABHEME bakholwa abathandi bobumnandi eMashamplanez, eChesterville, emcimbini wokugubha iminyaka ewu-20, kwasungulwa Isolezwe.

Lo mcimbi ububophele oDJ abajabulise izinkumbi zabantu ebezihambele le ndawo, abantu bewina nezipho ezihlukene.

UMPHATHI wohlelo obuye abe yinxusa laseMcCathy VW, uPhumlani Dube, uthathwe noMnuz Bonga Shange ongumnikazi weMashamplanes, emcimbini weSolezwe Isithombe: Bongani Mbatha African News Agency /ANA

Umcimbi uqale ekuseni ngomnikelo wegilosa enikelelwe izaguga eziwu-20.

UMCIMBI wokugubha iminyaka ewu-20 kwasungulwa Isolezwe, ubusiswe wuMbhishobhi Sandile Ndlela othathwe lapha nekhansela lendawo, uMnuz Mthakathi Makhathini, noMfundisi Bongani Mngadi Isithombe: Bongani Mbatha: African News Agency /ANA

Kuthe emini kwaqala isigaba sobumnandi esithakaselwe kakhulu ngabantu abasha njengoba kufike oDJ abahlukene, bashiyelana inkundla.

UMHLELI weSolezwe, uNksz Kiki Ntuli, ekhuluma nabantu emcimbini wokugubha iminyaka ewu-20, kwasungulwa Isolezwe obuseMashamplanes, eChesterville Isithombe: Bongani Mbatha African News Agency /ANA

Phakathi koDJ abadlalile, kubalwa uC-Ndaro, Costa Dollar, Mlisa, Reggie, First Installment nabanye.

ABAXHASI abasebenzisana neSolezwe. Kusukela kwesokunxele nguNksz Masindi Ngcobo, Nelisa Ngcobo noFezeka Mchunu eMashamplanes, eChesterville Isithombe: Bongani Mbatha African News Agency /ANA

USjerere uxolisile ngokungaphumeleli kulo mcimbi wathembisa ukuthi nakanjani kolandelayo, uzobe ekhona.

UMPHATHI wohlelo obuye abe yinxusa lakwaMcCathy VW Durban, uPhumlani Dube, uthathwe noSfiso Mngadi obehambele umcimbi weSolezwe eligubha iminyaka ewu-20, lasungulwa obuseMashamplanes, eChesterville Isithombe: Bongani Mbatha African News Agency /ANA

Isolezwe belingahambi lodwa kulo mcimbi njengoba belihamba nelisebenzisana nabo okubalwa iMalibongwe Foundation ne-Abakali Group abalule isandla banikela ngegilosa emndenini ewu-20 eyakhele eMashamplanes.

Umphathi wohlelo, uPhumlani Dube, ofike nabakwaBidvest McCarthy Volkswagen Durban, abanikele ngokuthi abanikazi bezimoto abawu-50, akade beseMashamplanes, bawashelwe izimoto mahhala.

Lo mcimbi awubanga nazigameko zobudlova njengoba iGoshawk Protection Services iqinisekise ukuthi wonke umuntu uphephile ngonogada bayo akade bebhekelele indawo yezicukuthwane.

IPhakade Holdings nayo iqinisekise ukuthi izicukuthwane zihamba zidlile kanti uMnuz Bonga Shange weMashamplanes, uqinisekise ukuthi bonke abantu banethezekile kulo mcimbi.

Umhleli weSolezwe, uNksz Kiki Ntuli, ubonge bonke abasebenzisane neSolezwe ukwenza lo mcimbi ube yimpumelelo.

Uthe bazohambela nezinye izindawo njengoba befuna ukujabula nabafundi beSolezwe abalokhu belisekile leli phephandaba.