Ubuholi be-ANC buphume umkhankaso wokuvuselela amagatsha

UBUHOLI be-ANC kuzwelonke buphume umkhankaso wokuvakashela zonke izifundazwe ngenhloso yokukhuthaza abuholi bamagatsha ukuba busebenzele ukuvuselelwa kwale nhlangano.

UNkk Nomvula Mokonyana, oyiphini likanobhala jikelele we-ANC, uthi ubuholi bale nhlangano buphume ngobuningi njengoba beqale umkhankaso wokuvakashela zonke izifundazwe ukuqinisekisa ukuthi lusetshenzwa ngendlela uhlelo lokuvuselela le nhlangano.

“Sivakashela zonke izifunda zaseGauteng, wonke amalungu e-NWC athe chithi-saka ezindaweni ezahlukene. Umengameli eseGoli, unobhala-jikelele useKurhuleni, thina silapha eSedebeng.

“Sibheke kakhulu ukugcizelela inhloso yokuzinikela kwethu ekuvuseleleni i-ANC, ukubukeza amagatsha ngokusebenza kwawo, ikakhulukazi kwezokuphatha nokukhuthaza bonke ubuholi be-ANC kuzo zonke izifunda, ukuba busebenze ngokuzinikela ngokwazi ukuthi yini edingeka kubona,” kusho uMokonyane.

ANC Deputy Secretary General, Comrade Nomvula Mokonyane outlines the focus and purpose of NWC visits to provinces. Gauteng is the fourth province where structures and branches are getting re-energised to take forward the agenda of a better life for all throughout the corners of… pic.twitter.com/q8pTZ2wZJO

— African National Congress (@MYANC) August 19, 2023

URamphosa ubeseGoli nondunankulu wesifundazwe, uMnuz Panyaza Lesufi, lapho agcizelele khona izinhloso zabo zokwakha kabusha le nhlangano nokweseka ubuholi bamagatsha.

Ekhuluma namalungu e-ANC, uRamaphosa uthe njengoba kubhekwe okhethweni lukazwelonke, kuzovivinywa ukusebenza kohlelo lokuvuselelwa kwenhlangano.

Day 1 of the 3 days NWC and NEC deployees to the province of Gauteng.#ANCNWCInGP#ANCAtWork pic.twitter.com/zKqc7g61Ka

— African National Congress (@MYANC) August 20, 2023

“IKomiti eliSebenzayo le-ANC kuzwelonke lixhumana nazo zonke izinhlaka zale nhlangano esifundazweni iGauteng, yingakho nami ngihambele isifunda seGreater Joburg futhi izingxoxo esibe nazo kulo mhlangano zingibonisile ukuthi ngempela zikhona izinguquko zokuvuselela nokwakha kabusha le nhlangano yethu,” kusho yena.

The renewal of the ANC is irrevocable. We are going to renew the ANC. As we head to the national general election the renewal project will be put to the test.#ANCRenewal #ANCinGauteng pic.twitter.com/2hpdL6unJR

— Cyril Ramaphosa 🇿🇦 (@CyrilRamaphosa) August 19, 2023

IPhini likaMengameli uPaul Mashatile lona belihambele isifunda iWest Rand okuyisona elinamalungu amaningi amadala ale nhlangano.

UMnuz Gwede Mantashe ongusihlalo kaKhongolose yena ubejutshwe eGreater Tshwane lapho ethe abantu baveze izikhalo zabo, ezinye zidluliselwe kwiPEC lapho ezizodingidwa khona bese kubuywa nezimpendulo.

ANC Chairperson Comrade Gwede Mantashe reflects on a successful Greater Tshwane leg of the NWC visit in the Gauteng province's different regions.#ANCNWCInGP#ANCAtWork pic.twitter.com/ROIEGZfJd4

— African National Congress (@MYANC) August 19, 2023