MBALI KHANYILE
SIYANDA isibalo sabasebenzi bezempilo abahaqwa yiCovid-19 KwaZulu-Natal.
UNgqongqoshe wezempilo kulesi sifundazwe uNkk Nomagugu Simelane-Zulu, uthe umnyango uthole emasontweni edlule ukuthi siyanda isibalo asabasebenzi bezempilo abatheleleka ngegciwane.
Uthe kubona kubalwa osonhlalakahle, odokotela, omabhalane, abahlengikazi nabanye abasebenza ngaphakathi ezibhedlela ezehlukene esifundazweni.
Ngokwezibalo zomnyanyo bangu-38 abasebenzi okutholakale ukuthi baneCovid-19 e-Addington kule nyanga. Kulesi sibalo kubalwa odokotela abahlanu, abahlengikazi abangu-11, nabasebenzi abangu-22 abalekelela emagunjini eziguli.