Sinyukile esezingane zangoNcibijane eKZN
IMEYA kamasipala uMsunduzi Municipality uMzi Thebolla, noNgqongqoshe wezeMpilo eKZN Nomagugu Simelane noNdunankulu wesifundazwe uNomusa Dube-Ncube bekhuluma nomunye womama uNonjabulo Nxele, 21, nosana lwakhe uSikhanyiso Nxele Isithombe: SITHUNYELWE
UNDUNANKULU waKwaZulu-Natal uNkk Nomusa Dube-Ncube noNgqongqoshe wezeMpilo kulesi sifundazwe uNksz Nomagugu Simelane bahambele esibhedlela iHarry Gwala Regional eMgungundlovu beyokhunga izingane ezizalwe ngoNcibijane bephethe izipho.
Isibalo esiphelele sezingane ezizalwe ngosuku lokuqala onyakeni kulesi sifundazwe sesikhishiwe kanti isifunda seTheku yisona esisahamba phambili.
Isibalo sakamuva sezingane zangoNcibijane eKZN sihleli ku-341, amantombazane angu-179 nabafana abangu162. EThekwini bangu-109, uMgungundlovu (39), King Cetshwayo (36), Zululand (32), uThukela (27), uMzinyathi (25), Ugu (22), Amajuba (19), uMkhanyakude (18), iLembe (9) neHarry Gwala (5).