Lihlehlile elabasolwa ngokuqotha abahlanu ngenhlamvu
|Published
UMKHUZI wamaPhoyisa eWestern Cape, uLieutenant General Thembisile Patekile, ekhuluma ngaphandle kwasenkantolo obekuvele kuyo abasolwa ngokubulala abahlanu Isithombe: SAPS
Lihlehliselwe uLwesine oluzayo icala elibhekene nabane abasolwa ngokudubula babulale amadoda amahlanu eMfuleni, eKapa, ngeSonto.
Abafi, abaneminyaka ephakathi kuka-19 no-30, badutshulwa besemjondolo.
Amaphoyisa abophe abasolwa abaneminyaka ephakathi kuka-29 no-35 ababhekene namacala okubulala, ukutholakala nezibhamu ezingekho emthethweni nezinhlamvu.
Izibhamu ziyohlolwa ukuthi azithinteki yini kwamanye amacala.
NgoLwesine, bebevele eNkantolo yeMantshi yaseBluedowns.
Icala labo belithanyelwe wumkhuzi wamaphoyisa eWestern Cape, uLieutenant General Thembisile Patekile.