UNGQONGQOSHE wezeMfundo kuleli uNkk Angie Motshekga usememezele ukuthi lehlele ku-76.2% izinga lokuphasa umatric ngo-2020 lisuka ku-81.3% wango-2019.
UMotshekga ngoLwesine ntambama wethule imiphumela kamatric yango-2020 ebilindelwe ngabomvu kulandela unyaka obunzima kubafundi nothisha abaningi ngenxa yezinselelo ezidalwe yiCovid-19.
Isifundazwe iFree State sihambe phambili ngesibalo sabaphasile njengoba kuphase u-85.1%, kulandele iGauteng ngo-83.3, Western Cape ngo-79.0%, iKwaZulu-Natal yona ihleli endaweni yesine ngo-77.6%
Imiphumela kamtric ngezifundazwe:
Free state 85.1%
Gauteng 83.3%
Western Cape 79.9%
KwaZulu Natal 77.6%
North West 76.2
Mpumalanga 73.7%
Limpopo 68.2
Eastern Cape 68.1%
Northern Cape 66%
UMotshekga uveze ukuthi kuphase u-76% wabafana, kwaphasa u-75% wamantombazane kubafundi abawu-725 034 ababhalile.
Ubashayele ihlombe abafundi baka-matric ngokuphasa ngaleli zinga nakuba bebhekene nesimo esinzima sokufunda ngenxa yokuvalwa kwezwe okudalwe yiCovid-19 okudale ukuthi abafundi bachithe isikhathi esiningi bezifundisa emakhaya. Uthe uzishaya isifuba ngalaba bafundi nakuba izinga lokuphasa lehle ngo-5%.
Ungaphuthelwa imiphumela kamatric nezindaba ezihlabahlosile ezithinta abafundi bakamatric ephephandabeni lakho kusasa.