BAYAVEVA osomabhizinisi ngomlilo oqubuke eYeoville Market kwasha izitebele ezingu-23 zokudayisa.
Okhulumela abezimo eziphuthumayo eGoli uNana Radebe-Kgiba uthe bakwazile ukuwubhula umlilo ngokushesha ekuseni.
"Kuthunyelwe amaloli amabili ezicishamlilo ezisuka eFairview naseMalvern," kusho yena.
Yeoville market was burnt down pic.twitter.com/U9fMrCwcBZ
— Kasi Economy (@KasiEconomy) June 22, 2022
Uthe imbangela yomlilo ibingakaziwa ngenxa yomonakalo odalekile.
Okhulumela amaphoyisa eGauteng uLt-Col Mavela Masondo uthe kuvulwe idokodo futhi uphenyo luyaqhubeka.
“Amaphoyisa athole ucingo kumuntu angazange alidalule igama lakhe ethi imakethe yaseYoeville iyasha," kusho yena.
Uthe amaphoyisa afike sekukhona abezicishamlilo.