UTSHWALA, izidakamizwa, nemali ngezinye zezinto ezitholwe amaphoyisa ngenkathi egasela ejele laseWestville, eThekwini ngoLwesithathu ebusuku.
Bekukhona namaphoyisa kaMasipala waseThekwini athe ezikadalawane zitheleke kwancane indawo e-Medium B.
Okhulumela amaphoyisa kamasipala uColonel Boysie Zungu esitatimendeni uthe kupeqululwe kwasani, amaphoyisa avumbulula izinto eziningi ezingagunyaziwe ukuphathwa ababoshiwe.
Lapha kubalwa ama-sim card, amaselula namashaja awo, imali, izikhali ezicijile, izidakamizwa notshwala.
Kuthiwa okutholwe amaphoyisa kube sekudluliselwa kwabophiko lezokuHlunyeleliswa kweziMilo ukuze baqhubekele phambili nophenyo.
UZungu udlulise ukubonga kubona bonke abebekade beyingxenye yomkhankaso wamaphoyisa athe ube yimpumelelo.
Lapha kubalwa izinhlaka ezahlukene zamaphoyisa nabasebenzi basejele.