SEKUQALILE ukubhalisela umqhudelwano weMaths wezikole zamabanga aphansi kuleli oxhaswe ngabakwaNestle Nespray.
Lo mqhudelwano okuhloswe ngawo ukukhulisa izinga lokucabanga ngasohlangothini lokubala nokuxazulula izinkinga kwiMaths, wemukela abafundi kusuka kuGrade 4 kuya kuGrade 7 kanti izikole ezifisa ukungenela kuthiwa sezingabhalisa kuze kube uLwesihlanu okuwusuku lokugcina lokubhalisa.
AbakwaNestle Nespray banxuse zonke izikole ukuthi zibhalise, kulandela impumelelo yalo mqhudelwano wanyakenye okuthiwa wangenelwa yizikole ezevile ku-1 000 ezinabafundi abangaphezu kuka-90 000 abavela ezindaweni ezihlukene ezweni lonke.
Kuthiwa lo mqhudelwano ugqugquzela abafundi ukuthi bakwazi ukuzicabengela, ukuxazulula izinkinga nokucabanga bajule, kanti waqala ngo-1977.
Ngo-2020, isikole esaba nafundi abaningi abangenela lo mqhudelwano i- Beaumont Primary (Western Cape) kanti iSweet Valley Primary (Western Cape) yona yaba isikole esinabafundi abenza kahle kakhulu kuwona.
Isikole esikuQuintile 1 esinabafundi abenza kahle kakhulu esaseNorth West, i-Abana Primary. KuQuintile 2 yiNyanda Primary yaKwaZulu-Natal, kuQuintile 3 kwayiMbaliyethe Primary yaKwaZulu-Natal, kuQuintile 4 iLaerskool Die Poort yaseGauteng kwathi kuQuintile 5 kwayiSweet Valley Primary.
Izikole ezifisa ukungenela nonyaka kumele zithinte uThabo kwi- e-mail ethi: [email protected] noma uPatrick kwethi: [email protected] zicele ifomu lokungenela.