UMENGAMELI Cyril Ramaphosa welule
isikhathi sokuhlala kwamasosha eKapa.
Okhulumela
uRamaphosa, uNkk Khusela Diko, uthe uMengameli usebenzise umthethosisekelo wakuleli ukwelula isikhathi samasosha kuze kube wuMashi 31 2020.
Amasosha kuthiwa azosebenzisana namaphoyisa ukuvikela udlame nokuqinisekisa ukuthi
kuba nokuthula endaweni.
“UMengameli ulandele umthethosisekelo wezwe ngesinqumo sakhe, wazisa uSomlomo wePhalamende, uNksz Thandi Modise, noSihlalo wendlu
yomkhandlu wezifundazwe, uMnuz Amos Masondo, ngokulula isikhathi sokutshalwa kwamasosha eKapa.”
Amasosha atshalwa kusuka ngoJulayi, isikhathi sawo besiphela izolo.
Uncome bonke abomthetho ngomsebenzi abasawenzile ukuqinisekisa ukuphepha komphakathi.