Kukhona omasipala abasale ngaphandle kuxhaso lwezinhlekelele eKZN

UMPHATHISWA emnyangweni wezokuBusa ngokuBambisana neziNdaba zoMdabu KwaZulu-Natal uMfundisi Thulasizwe Buthelezi wamukele isimemezelo sikangqongqoshe kaCogta kuzwelonke uMnuz Velenkosini Hlabisa, semali engu-R139 million obekelwe omasipala balesi sifundazwe ukuze kulungiswe umonakalo yingqalasizinda eyalimala ngenxa yezikhukhula.

.Lesi sabelo-mali, esibekelwe ukubhekana nezinhlekelele kanye nokulungisa isimo, silandela izicelo zomasipala besifundazwe abakhahlamezeka kwadaleka umonakalo obiza izigidigidi zamarandi esifundazweni sonke. Lolu xhaso luzohlinzeka ngosizo oludingeka kakhulu emiphakathini, lusize ukufakwa kwezinyathelo ezintsha zokunciphisa izinhlekelele kanye nokuthuthukiswa kwemigwaqo, ingqalasizinda yamanzi nokuthuthwa kwendle. Lesi sabelo siphinde sigcizelela ukuzibophezela kukahulumeni kazwelonke ekwesekeni imizamo eqhubekayo yesifundazwe yokuvuselela nokwakha kabusha.

Umnyango kaCogta ukhiphe uhlu lomasipala kanye nesamba semali abazoyithola:

 Umzumbe Local Municipality: R730,135

Big Five Hlabisa Local Municipality: R13,500,000

Umsinga Local Municipality: R7,000,000

uMvoti Local Municipality: R5,000,000

Mthonjaneni Local Municipality: R8,000,000

Ulundi Local Municipality: R6,200,000

Nquthu Local Municipality: R9,300,000

eDumbe Local Municipality: R10,000,000

Abaqulusi Local Municipality: R12,000,000

uThukela District Municipality: R7,000,000

Inkosi Langalibalele Local Municipality: R11,000,000

eThekwini Metropolitan Municipality: R9,000,000

Newcastle Local Municipality: R11,000,000

Zululand District Municipality: R13,000,000

Mandeni Local Municipality: R5,000,000

eNdumeni Local Municipality: R4,300,000

Mfolozi Local Municipality: R7,000,000