Kufe oyedwa kwalimala kabi ababili kuhlaselwa inkosi yakwaCele
Kufe oyedwa kwalimala kabi ababili kuhlaselwa inkosi yakwaCele
Image: SIGCINIWE
UMPHATHISWA emnyangweni wezokuBusa ngokuBambisana neziNdaba zoMdabu, uMfundisi, uThulasizwe Buthelezi, usigxekile isehlo zokuzama ukubulala inkosi uSimphiwe Cele weVukuzithathe Traditional Authority eZinqoleni, engaphansi kukamasipala waseRay Nkonyeni.
Lokhu kuhlasela okwenzeke ngoLwesibili ngesikhathi inkosi ihlaselwa ihamba nabantu ababili emotweni. Kuthiwa amadoda angaziwa avulele ngenhlamvu ebhekise kuleyo moto, ngeshwa kwashona oyedwa wabagibeli, inkosi nomunye obehamba naye balimele.
UButhelezi usenxuse abomthetho ukuthi basebenzise zonke izinsiza ukuze kuboshwe labo abenze lokhu.
Ukholelwa ukuthi lokhu kuhlaselwa kwenkosi uCele nabambisene nabo kuwukubukela phansi ukuthula nozinzo esifundazweni ngenxa yemizamo yokudala ukungazinzi esifundazweni nasesikhungweni sobuholi bomdabu.
Udlulise amazwi enduduzo emndenini kamufi waphinde wafisela iNkosi nomunye osindile ukululama okusheshayo nokugcwele.