KUSHONE ababili ngesikhathi i-ambulensi abebehamba ngayo ishayisana neloli kuN1 eLimpopo.
Abe-ER24 bakhiphe isitatimende esiqinisekisa ukudlula emhlabeni kwabasizi bezimo eziphuthumayo ababili abasebenzela le nkampani.
Ngokwesitatimende, ingozi yenzeke entathakusa namuhla emgwaqweni uN1 ngasejikeni laseCodrington, eLimpopo.
Abashonile bebebuyela emsebenzini ngemuva kokuhambisa isiguli esibhedlela.
“Abe-ER24 kulesi sifunda bazosebenzisana nabezomthetho ukuphenya ngembangela yengozi,” kusho uRussel Meiring okhulumela le nkampani.