Kubulawe usomatekisi
|Published
KUDALE uvalo ukubulawa kukasomatekisi odumile, uMnuz Musa ’Maskito’ Zuma, waseNtuzuma, okuthiwa udutshulwe ngabantu abangaziwa ngoLwesine, eseMandeni.
UZuma, ongumnikazi wamatekisi abizwa ngeHome Boyz, ubebuye abe ngumgibeli wezithuthuthu okuwumdlalo osungenisile kuleli.
Ukushona kwakhe kubhalwe kwiFacebook womunye wabebegibela naye izithuthuthu.
Bekufakwe nesithombe sakhe. Angene egeleza amazwi enduduzo. Abebenanela kwiFacebook bebezwakala ukuthi basola ukubuya kodlame lwamatekisi, oluke lwahlupha kakhulu isifundazwe kukhalwa ngezinkabi ezibhokile. Ngaphambi kwalokho kubikwe ngokubulawa komunye usomatekisi okuthiwa udutshulwe phakathi edolobheni iTheku.