Kuboshwe nosigaxamabhande ngawokukhwabanisa ithenda emaphoyiseni

KUBALWA nezikhulu zamaphoyisa kwabayisithupha ababoshelwe ukukhwabanisa ithenda yasemaphoyiseni.

Laba basolwa baboshelwe ithenda yasemaphoyiseni yango-2016 kaR54 million.

Baboshelwe ezingxenyeni ezihlukene zakuleli[, abanye babanjwe eThekwini, Bloemfontein nasezindaweni ezahlukene ePitoli kanti abanye babanjwe esikhulumweni sezindiza bebheke eKapa naseThekwini.

Abasolwa ababili ngosomabhizinisi abazinze eThekwini, uLieutenant-General, oMajor-General ababili abasebenzela ePitoli naseBloemfontein nowayenguLieutenant-Colonel.

Laba babekwe amacala enkohlakalo, ukukhwabanisa nokweba kanti kulindeleke ukuthi bavele enkantolo elalela amacala amabhizinisi ePitoli ngoLwesithathu.

Ukuboshwa kwabo kulandela uphenyo oluhlanganisa izinhlaka ezahlukene ze-ID ne-IPID.