I-ANC ibhekene nenkinga yokuthi kumele ibambe izingqungquthela zokukhetha ubuholi kube kunomvalelandlini ngenxa yeCovid-19.
Ikomiti elibhekele ukusebenza kwansuku zonke le-ANC likhiphe umyalelo ezifundazweni ezintathu ukuthi zilungiselele imihlangano yamagatsha nezingqungquthela.
Encwadini ebhalwe nguNobhala jikelele, uMnuz Ace Magashule, ithe kumele ukuvuselelwa kobulungu kube sekwenziwe ngoDisemba 15.
Izifundazwe ezisilele emuva ngezingqungquthela yiMpumalanga, North West neWestern Cape.
Nophiko lwentsha lwale nhlangano kumele lube nengqungquthela ngonyaka ozayo.
Umkhulumeli wohlaka lwesikhashana, uNksz Sizophila Mkhize, uthe bahlela ukuthi ingqungquthela ibe ngoMashi.