INKANTOLO yemantshi yase-East London isikhiphe incwadi egunyaza ukuboshwa komholi we-EFF uMnuz Julius Malema. Ijaji linqume ukukhipha le ncwadi kulandela ukuhluleka kukaMalema ukuvela enkantolo ngoMsombuluko ekuseni.
UMalema waqhumisa isibhamu esesiteji kumbuthano we-EFFn ngo-2018 eMdantsane, e-Eastern Cape.
I-EFF yayigubha iminyaka emihlanu yasungulwa ngenkathi kwenzeka lesi sigameko eSisa Dukashe Stadium. Unogada wakhe u-Adriaan Snyman naye ubekwe icala.
UPhiko lwezokushushisa kuleli, iNational Prosecuting Authority (NPA) luthe uJuju ubhekene namanye amacala okuphatha isibhamu esinezinhlamvu ngokungemthetho. UMalema ubekwe icala lokubeka engcupheni izimpilo zabantu kanye nempahla.
Udaba lusaqhubeka.