Ingene ophahleni lwendlu imoto eshayiswe enye
INTATHELI YESOLEZWE|Published
ISALE inje imoto eshayiswe enye eWaterloo, egcine isingena ophahleni lomuzi ongezansi komgwaqo
Image: RUSA
INGENE ophahleni lwendlu imoto ebipakile ngesikhathi ishayiswa enye eWaterloo.
Lesi sehlakalo senzeke ngoLwesihlanu ebusuku emgwaqweni uSithebe.
Abakwa-Reaction Unit South Africa (RUSA), bashayelwe ucingo baziswa ngalesi sehlakalo.
Umbiko abawutholile ngukuthi imoto iHonda Accord, ebipakile, ishayiswe ngemuva yiVW Polo.
Lo mbiko uveze ukuthi lesi sehlakalo senzeke ungakashayi u-7 ebusuku.
"IHonda ibe isingena ophahleni lwendlu njengoba umuzi ungezansi komgwaqo. Akekho olimele kulesi sehlakalo," ngokusho kweRUSA.