Ifu elimnyama ebandleni lamaSheshi kudlula uMbishobhi Dino Gabriel
Updated
Akasekho emhlabeni uMbishobhi Dino Gabriel
Image: Sigciniwe
Akasekho emhlabeni uMbhishobhi waseSheshi obesanda kuthatha umhlalaphansi, uBishop Dino Gabriel.
Izindaba zokudlula emhlabeni kukaBishop Dino ziqinisekiswe ophethe njengamanje edayosisi yaseNatal uMbhishobhi Nkosinathi Ndwandwe. UBishop Dino wayengamele i-Diocese of Natal ashiye kuyo ngo-2019. Ngaphambi kwalokhu usebenze iminyaka eminingi njengoMbhishobhi wamaSheshi eDiocese of Zululand.
Le nceku edabuka e-Italy ibinogazi kakhulu emakholweni abeyithandela nokuthi ibikhuluma isiZulu ingasishebi. Ngaphambi komhlalaphansi uke wayoqhuba ivangeli e-Australia. Ushiye emhlabeni umkakhe uMaDlamini nezingane nabazukulu.