IDA ibopha unobhala we-ANC kubangwa izikhangiso zomkhankaso
|Published
IQEMBU leDA KwaZulu-Natal livulele unobhala we-ANC uMnuz Bheki Mtolo icala kubangwa ukususwa kwezingqwembe zokukhankasa.
IDA ithi inobufakazi bama-video nomuntu owazibonela ngawakhe abe-ANC besusa izikhangiso zabo zokhetho.
Isitatimende esikhishwe uChris Pappas omele iDA emkhankasweni wokuhola isifundazwe sithi: “Isenzo se-ANC sicekela phansi inqubo yentantoyeningi futhi sibonisa ukulahlekelwa yithemba nokwesaba ukukhula ngesivinini seDA.”
IDA ithi ibopha uMtolo ngoba njengonobhala weqembu nguyena ohola ukusebenza kwe-ANC, ngaleyo ndlela uyena okumele abhekane nawo wonke amacala enziwa amavolontiya eqembu lakhe.
Ngaphandle kookuvula icala emaphoyiseni aseHowick, iDA ithi ifake isikhalo e-IEC ngalesi senzo se-ANC.