I-IFP ibuyise uMasipala wakwaNongoma
|Published
Kushintshe izinto kumasipala waKwaNongoma
Image: Facebook
SEKUPHETHE I-IFP kuMasipala wakwaNongoma kulandela ukukhishwa kobuholi beNFP ne-ANC obebuphethe umkhandlu.
IMeya eqhamuka kwiNFP, uMnuz Mshangane Ndabandaba, nosomlomo uNkk Babongile Sithole, oyikhansela le-ANC, bakhishwe ngevoti lokungabethembi ubuholi babo.
Izikhundla abebeziphethe zithathwe amakhansela e-IFP aqokwe emhlanganweni womkhandlu obunamhlanje.
UMnuz Mbekezeli Zondo uqokelwe kesobumeya, kwathi uMnuz Sinethemba Mbongwa, yena waqokelwa kwesikasomlomo.
Ikhansela le-EFF, uMnuz Mthobisi Luvuno, uqokelwe kwesephini lemeya.