Bavelile abasolwa ngomkhonyovu wezincwadi zokuvakasha
Abasolwa babil baboshwe namhlanje bajoyina ozakwabo abahlanu enkantolo
Image: Stock Images
ABAMANGALELWA abayisikhombisa bavele eNkantolo yezeMali eThekwini ngezinsolo zomkhonyovu wezincwadi zokuhambela amazwe.
Abammangalelwa uMmeli Philani Trevor Zaca (Dlamini), uThandiwe Pretty Khwela, Zime Anita Shange, Fumani Hlayisi, Bongiwe Kubheka, Lindokuhle Bongumusa Mpanza noLungisani Siyanda Mzobe.
Babhekene namacala okukhwabanisa, ukuphula umthetho 68 ka-1997 wokuhlinzekwa komazisi, ukuphula umthetho 13ka 2002 (njengokuchibuyelwa) wabokufika, and Corruption othinta ukwemukela ukugwazelwa.
UMbuso ukholwa wukuthi kunabasebenzi boMnyango wezaseKhaya abasebenza ngokubambisana nabanye abaqhuba ubugebengu, kwafakwa izicelo zomgunyathi emahhovisi ahlukene KwaZulu-Natal.
Izicelo kuthiwa zazenziwa amahhovisi esevalile ebusuku, ngezimpelasonto nangamaholidi.
Izicelo zomgunyathi zazikhishelwa abokufika kuleli kungafanele futhi kwakusetshenziswa imininingwane yabantu baseNingizimu Afrika abanomazisi kodwa abangenazi izincwadi zokuhambela amazwe.
Icala lihlehlele u-20 Juni 2025 ukuze abamangalelwa bafake izicelo zabameli be-Legal Aid namalungiselelo esicelo sebheyili.
Konke lokhu kusukela ophwenyweni loMnyango wezaseKhaya KwaZulu-Natal noKlebe besebenza nabashushisi be-NPA.